ᓄᑭᒃ ᐊᐅᓚᑦᑎᔩᑦ

“ᐊᒥᓱᑦ ᐱᓕᕆᐊᕆᔭᕗᑦ ᑎᑭᐅᑎᓇᓱᒃᑕᕗᑦ ᑲᓇᑕᒦᖓᔪᒥᑦ ᐱᔾᔪᑎᖃᖅᑐᖅ ᐊᔾᔨᒌᒃᑎᑦᑎᓂᕐᒥᒃ, ᓄᑖᓂᒃ ᓄᓇᖅᖃᑎᒌᒥᑦ ᐱᕈᐃᑎᑦᑎᓂᕐᒧᑦ ᐱᓕᕆᐊᑦ ᐊᔪᙱᑎᑦᑎᓂᐊᖅᑐᖅ ᑲᓇᑕᒥᐅᖑᔪᓂᑦ ᐃᓄᖕᓂᑦ ᑐᙵᕕᖃᕐᓗᑎᒃ ᐱᕈᖅᐸᓪᓕᐊᓂᖃᕐᓂᕐᒥᒃ ᑕᐃᒪᓐᓇᒧᑦ ᐃᓅᖃᑎᒌᑦ ᐱᓕᕆᐊᖏᓐᓂᒃ ᐱᐊᓂᑦᑎᐊᖅᓯᒪᓗᓂ, ᐃᓱᒪᔪᖓ ᑭᕙᓪᓕᕐᒥᑦ ᖃᐅᒻᒪᖅᖁᑎᓕᐅᕆᓂᕐᒧᑦ-ᖃᕆᑕᐅᔭᒃᑰᕈᑎᒧᙵᕈᑎ ᐃᓚᒋᔭᐅᔪᖅ ᐆᒃᑑᑎᑦᑎᐊᕙᐅᓂᖓᓄᑦ.”

“ᑭᕙᓪᓕᕐᒥᑦ ᖃᐅᒻᒪᖅᖁᑎᓕᐅᕆᓂᕐᒧᑦ-ᖃᕆᑕᐅᔭᒃᑰᕈᑎᒧᙵᕈᑎ ᓄᓇᖅᖃᑎᒌᓄᑦ ᐱᓕᕆᐊᖑᔪᑦ ᓴᓗᒪᔪᒥᒃ ᐊᑐᖅᑕᐅᒃᑲᓐᓂᕈᖕᓇᖅᑐᒥᑦ ᐆᒻᒪᖅᖁᑎᖃᖅᑎᑦᑎᓂᐊᖅᑐᖅ ᓄᓇᕗᒻᒧᑦ ᐊᒻᒪᓗ ᐱᐊᓚᑎᑦᑎᔪᒥᒃ ᖃᕆᑕᐅᔭᒃᑰᕈᖕᓇᐅᑎᒥᑦ.  ᐱᓕᕆᐊᖅ ᑲᑎᑎᑦᑎᓂᐊᖅᑐᖅ ᓄᓇᕗᒻᒥᑦ ᐊᓯᖏᓐᓄᑦ ᑲᓇᑕᒧᑦ ᓯᕗᓪᓕᖅᐹᑦᑎᐊᒥᑦ ᐊᒻᒪᓗ ᐃᑲᔪᕐᓗᓂ ᑲᓇᑕᒥᑦ ᑎᑭᐅᑎᑦᑎᑦᑎᓂᕐᒧᑦ ᐱᑕᖃᕈᖕᓃᖅᑎᑦᑎᓂᕐᒥᒃ ᓯᓚᒧᑦ ᐊᓂᐊᔪᑦ ᐱᑦᑕᐅᖏᑦᑐᓂᑦ ᓯᕗᓂᒃᓴᒥᑦ.  ᖃᐅᔨᒪᔪᒍᑦ ᑖᒻᓇ ᐃᓄᖕᓄᑦ-ᑲᒪᒋᔭᐅᔪᖅ ᐱᓕᕆᐊᖅ ᐊᖏᔪᒥᒃ ᐱᕕᖃᖅᑎᑦᑎᓂᐊᖅᑐᖅ ᓄᓇᕗᑦ ᓄᓇᓕᖏᓐᓄᑦ ᐊᒻᒪᓗ ᓄᓇᓕᖕᒥᐅᖑᔪᓄᑦ ᐅᐊᖕᓇᖅᐸᓯᖓᓂᑦ ᒫᓂᑑᐸᒥᑦ.”

“… ᑭᕙᓪᓕᕐᒥᑦ ᖃᐅᒻᒪᖅᖁᑎᓕᐅᕆᓂᕐᒧᑦ-ᖃᕆᑕᐅᔭᒃᑰᕈᑎᒧᙵᕈᑎ ᖃᓪᓕᖅᐸᐅᑎᓯᒪᑉᓗᓂ-ᐃᓱᒪᒋᔭᐅᖏᓐᓇᖃᑦᑕᖅᑐᖅ ᐊᑐᖅᑐᓂᐊᕐᓂᖓᓄᑦ ᐅᑭᐅᖅᑕᖅᑐᒥᑦ ᐱᖁᑎᓄᑦ ᓯᕗᓪᓕᖅᐸᐅᑎᔭᐅᓗᓂ. […] ᒐᕙᒻᒪᒃᑯᑦ ᐃᓂᐅᔪᒦᖓᑦᑎᐊᖅᑐᑦ ᐱᓕᕆᐊᕆᓂᐊᕐᓗᒍ ᐱᔪᒪᓯᒪᔭᖓᑦ ᓯᓚ ᐱᔾᔪᑎᒋᑉᓗᒍ ᐊᒻᒪᓗ ᐱᒋᐊᖅᐸᓪᓕᐊᓂᕐᒥᑦ ᐱᕙᓪᓕᐊᓗᑎᒃ ᑭᕙᓪᓕᕐᒥᑦ ᖃᐅᒻᒪᖅᖁᑎᓕᐅᕆᓂᕐᒧᑦ-ᖃᕆᑕᐅᔭᒃᑰᕈᑎᒧᙵᕈᑎᒧᑦ ᐱᓕᕆᐊᕆᓯᒪᔭᖓᓐᓂᑦ ᐅᑉᓗᒥᒧᑦ ᑎᑭᖦᖢᒍ.  ᖁᕕᐊᒋᔪᒪᔭᒃᑲᑦ ᑭᕙᓪᓕᕐᒥᑦ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐊᒻᒪᓗ ᓄᑭᒃ ᐊᐅᓚᑦᑎᔩᑦ ᐱᕙᓪᓕᐊᓂᕆᔭᖓᓐᓂᒃ ᑭᕙᓪᓕᕐᒥᑦ ᖃᐅᒻᒪᖅᖁᑎᓕᐅᕆᓂᕐᒧᑦ-ᖃᕆᑕᐅᔭᒃᑰᕈᑎᒧᙵᕈᑎᒧᑦ ᐅᑭᐅᖑᔪᖅ.  ᐊᓕᐊᓇᐃᒍᓱᓚᐅᖅᑐᖓ ᖃᐅᔨᒐᒪ ᐱᖃᑎᒋᔭᐅᓂᐊᖅᑐᓂᒃ ᐋᖅᕿᒃᓯᓚᐅᕐᒪᑕ ᓯᕗᒻᒧᒃᑎᒃᑲᓐᓂᕐᓂᐊᕐᓗᒍ ᐱᓕᕆᐊᖅ, ᐊᒻᒪᓗ ᐊᖏᖃᑎᒌᒍᑎᖃᓚᐅᕐᒪᑕ ᑲᓇᑕᒥᑦ ᐱᖁᑎᓄᑦ ᑮᓇᐅᔭᒃᑯᕕᖕᒥᑦ ᐃᑲᔪᕐᓂᐊᖅᑐᒥᒃ ᐱᒋᐊᓵᖅᐸᓪᓕᐊᓂᕐᒥᑦ ᐱᓕᕆᐊᖑᓂᐊᖅᑐᓄᑦ.”

“ᑭᕙᓪᓕᕐᒥᑦ ᖃᐅᒻᒪᖅᖁᑎᓕᐅᕆᓂᕐᒧᑦ-ᖃᕆᑕᐅᔭᒃᑰᕈᑎᒧᙵᕈᑎ ᐱᓕᕆᐊᖃᖅᑐᖅ ᖃᑉᓯᐊᕐᔪᖕᓂᒃ ᐱᔾᔪᑕᐅᔪᓂᒃ ᐊᑐᖅᑕᐅᔪᒥᒃ ᓄᓇᕗᒻᒥᐅᓄᑦ, ᐱᓗᐊᖅᑐᒥᑦ ᐊᑭᑐᓗᐊᖅᑐᐊᓘᓂᖓ ᐅᖅᓱᐊᓗᒃ, ᑕᒪᒃᑯᓂᙵᑦ ᐱᔪᓂᒃ ᐊᕙᑎᒧᑦ ᐃᓱᒫᓘᑕᐅᔪᓄᑦ, ᐊᒻᒪᓗ ᒪᓂᒪᐃᓐᓈᓗᒍᖕᓇᙱᑦᑐᖅ ᖃᕆᑕᐅᔭᒃᑰᕈᖕᓇᐅᑎ.  ᓄᓇᕗᑦ ᑐᙵᕕᒃᑯᑦ ᐃᑲᔪᖅᑐᖅᑕᖓᑦ ᑭᕙᓪᓕᕐᒥᑦ ᐃᓄᐃᑦ ᑲᑐᔾᔨᖃᑎᒌᒃᑯᑦ ᑐᕌᒐᕆᔭᖓᓐᓂᑦ ᐃᖕᒥᖕᓂᒃ-ᐊᑐᕐᓂᕐᒧᑦ ᐊᒻᒪᓗ ᑕᐅᑐᒐᕆᔭᖓᑦ ᐱᕙᓪᓕᐊᑎᑦᑎᓂᕐᒥᒃ, ᐊᑐᓕᖅᑎᓪᓗᒍ ᐊᒻᒪᓗ ᐃᓚᓕᐅᑎᓗᒍ ᖃᑉᓯᐊᕐᔪᐃᑦ ᓄᑖᖑᔪᓄᑦ ᐊᑐᖅᑕᖓᓐᓂᑦ.  ᐱᓕᕆᐊᖅ ᐊᖏᔪᒥᒃ ᐱᔪᖕᓇᕐᓂᖃᖅᑐᑦ ᐊᑑᑎᖃᕐᓂᐊᖅᑐᓂᒃ ᐃᑲᔪᐃᓂᖃᕐᓗᑎᒃ ᓄᓇᕗᒻᒥ ᓄᓇᓕᖕᓂᑦ.”

“Fox Lake Cree Nation-ᑯᑦ ᐃᑲᔪᖅᑐᐃᔪᑦ ᑭᕙᓪᓕᕐᒥᑦ ᐃᓄᐃᑦ ᑲᑐᔾᔨᖃᑎᒌᒃᑯᓐᓂᑦ ᐱᓕᕆᖃᑎᒌᒃᑎᓪᓗᑕ ᓯᕗᒻᒧᒃᑎᓐᓂᐊᕐᓗᒋᑦ ᐱᔪᒪᓂᕆᔭᕗᑦ ᓯᕗᓪᓕᖅᐸᐅᑎᔪᒪᔭᑉᑎᖕᓂᑦ ᐊᒻᒪᓗ ᐊᑕᐅᓯᐅᖓᔪᒥᒃ ᐱᔪᒪᓂᕆᔭᑉᑎᖕᓂᑦ.  ᓂᕆᐅᒃᑐᒍᑦ ᑐᙵᓱᒃᑎᒃᑲᓐᓂᕐᓂᐊᕐᓗᓯ ᓄᓇᓕᑉᑎᖕᓄᑦ ᓯᕗᓂᒃᓴᒥᑦ.”

“ᐅᒃᐱᕈᓱᒃᑐᒍᑦ ᓄᓇᕗᒻᒥᐅᓗᒃᑖᑦ ᐊᔾᔨᖏᓐᓂᒃ ᐱᔪᖕᓇᐅᑎᖃᕆᐊᖃᕐᒪᑕ ᐱᕈᖅᐸᓪᓕᐊᓂᖃᑦᑎᐊᖅᑐᒥᒃ ᓯᕗᓂᒃᓴᖃᕐᓗᑎᒃ ᐊᓯᖏᑎᑐᑦ ᑲᓇᑕᒥᑦ.  ᐅᐃᒍᒋᐊᖅᓯᓂᐅᑉᓗᓂ ᐆᒻᒪᖅᖁᑎᓕᐅᕆᓂᕐᒧᑦ ᒫᓂᑑᐸᒥᑦ ᑐᓂᓯᔪᖕᓇᖅᑐᖅ ᓄᓇᓕᖕᓂᑦ ᐊᕙᑎᒧᑦ-ᐱᑦᑕᐅᔪᒥᒃ, ᐊᔪᙱᑦᑐᒥᑦ, ᐊᒻᒪᓗ ᐊᑭᑐᓗᐊᖏᑦᑐᒥᒃ ᐆᒻᒪᖅᖁᑎᓕᐅᕆᓂᕐᒥᒃ ᐊᑕᐅᑦᑎᒃᑯᑦ ᑭᕙᓪᓕᕐᒥᑦ ᐱᔪᒥᓇᖅᑎᑦᑎᓂᖃᕐᓗᓂ ᐱᕈᖅᐸᓪᓕᐊᓂᕐᒧᑦ ᐱᕙᓪᓕᐊᓂᕐᒥᒃ ᐊᒻᒪᓗ ᓇᖕᒥᓂᖃᖅᑐᓄᑦ ᐱᑖᖅᑐᐃᓂᕐᒥᒃ.”

“ᒫᓂᑐᐸᒥᑦ ᐃᑯᒻᒪᖅᖁᑎᓕᐅᕆᓂᖅ ᓴᓗᒪᔪᒥᒃ, ᐊᑐᖅᑕᐅᒃᑲᓐᓂᕈᖕᓇᖅᑐᒥᒃ ᐃᑯᒻᒪᖅᖁᑎᒥᒃ ᐆᒻᒪᖅᖁᑎᓕᐅᕆᖃᑦᑕᖅᑐᖅ ᐊᒻᒪᓗ ᓴᖅᕿᑦᑎᑉᓗᓂ ᓄᑖᒥᒃ ᑐᓂᓯᔪᖕᓇᖅᑐᒥᒃ ᓄᓇᕗᒻᒥᑦ ᒫᓂᑑᐸᒥᑦ ᐃᑯᒻᒪᖅᖁᑎᖓᓂᑦ ᐃᓱᒪᒋᔭᐅᒃᑲᓐᓂᕆᐊᖃᖅᑐᖅ.”

“ᖁᓪᓕᒃᑯᑦ ᖃᐅᔨᑎᑦᑎᔪᒪᔪᑦ ᐃᑲᔪᖅᑐᐃᓂᑉᑎᖕᓂᑦ ᑭᕙᓪᓕᕐᒥᑦ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐱᓕᕆᐊᕆᔭᖓᓂᑦ ᓴᖅᕿᑦᑎᔪᒪᑉᓗᑎᒃ ᐊᔪᙱᑦᑐᒥᒃ ᐃᑯᒻᒪᖅᖁᑎᑖᖃᑦᑕᕐᓂᕐᒥᒃ ᒫᓂᑑᐸᒥᑦ ᓄᓇᕗᒻᒧᑦ.”