ᑭᕙᓪᓕᕐᒥᑦ ᖃᐅᒻᒪᖅᖁᑎᓕᐅᕆᓂᕐᒧᑦ-ᖃᕆᑕᐅᔭᒃᑰᕈᑎᒧᙵᕈᑎ
ᒥᓕᔭᓐᖏᓐᓃᑦᑐᓂᒃ ᐊᑐᙱᓐᓂᖅ ᐅᖅᓱᐊᓗᖕᒥᑦ. ᐊᖏᔪᒻᒪᕆᖕᒥᑦ ᒥᒃᖠᒋᐊᖅᑎᑦᑎᔪᖅ ᐱᑦᑕᐅᖏᑦᑐᓂᒃ ᐊᓂᐊᔪᓂᒃ. ᑲᑎᑎᑦᑎᔪᖅ ᐅᑭᐅᖅᑕᖅᑐᒥᑦ ᐊᒻᒪᓗ ᓴᖅᕿᑦᑎᑉᓗᓂ ᐊᒥᓱᐃᖓᔪᓂᒃ ᑭᖑᕚᕇᓄᑦ ᐃᓄᐃᑦ-ᐱᕈᖅᐸᓪᓕᐊᓂᖏᓐᓄᑦ ᐃᑲᔫᑎᓂᒃ.

ᑭᕙᓪᓕᕐᒥᑦ ᖃᐅᒻᒪᖅᖁᑎᓕᐅᕆᓂᕐᒧᑦ-ᖃᕆᑕᐅᔭᒃᑰᕈᑎᒧᙵᕈᑎ ᑕᒪᒃᑯᓂᙵᓕᕆᓗᒃᑖᕐᓂᐊᖅᑐᖅ ᐊᒻᒪᓗ ᑕᐃᒪᒃᑲᓐᓂᕐᓂᑦ. 1,200 ᑭᓛᒥᑕᓄᑦ ᑎᑭᖅᖃᐅᒪᓂᐊᖅᑐᖅ, ᒫᓂᑑᐸᐅᑉ ᐆᒻᒪᖅᖁᑎᓕᐅᕐᕕᖓᓂᑦ ᑭᕙᓪᓕᕐᒧᑦ ᓄᓇᕗᒻᒧᑦ, ᐃᑲᔪᐃᓗᓂ ᓄᓇᓕᖕᓂᑦ ᐊᕐᕕᐊᑦ, ᖃᒪᓂᑦᑐᐊᖅ, ᐃᒡᓗᓕᒑᕐᔪᒃ, ᑲᖏᖅᖠᓂᖅ ᐊᒻᒪᓗ ᑎᑭᕋᕐᔪᐊᕐᒥᑦ.
ᐱᓕᕆᐊᖑᔪᖅ ᓄᓇᓕᖕᓂᑦ ᐅᖅᓱᐊᓗᒃᑐᕈᖕᓃᖅᑎᑦᑎᓂᐊᖅᑐᖅ, ᐊᒻᒪᓗ ᐆᓇᖅᑎᑦᑎᔪᓂᒃ, ᐃᑭᑦᑕᖅᑐᓂᒃ ᐊᒻᒪᓗ ᑲᑎᑎᓪᓗᒋᑦ ᐊᖏᕐᕋᖏᑦ ᐊᒻᒪᓗ ᓇᖕᒥᓂᕆᔭᐅᔪᑦ ᓴᓗᒪᔪᒧᑦ, ᐊᑐᖅᑕᐅᒃᑲᓐᓂᕈᖕᓇᖅᑐᖅ ᐆᒻᒪᖅᖁᑎᒧᑦ ᐊᒻᒪᓗ ᐊᑐᖅᑕᐅᔪᖕᓇᖅᑐᖅ ᖃᕆᑕᐅᔭᒃᑰᕈᖕᓇᐅᑎᒥᑦ. ᐊᔪᙱᑎᑦᑎᓂᐊᕐᒥᔪᖅ ᒫᓐᓇᐅᔪᖅ ᐊᒻᒪᓗ ᓯᕗᓂᒃᓴᒥᑦ ᐅᔭᕋᒃᑕᕆᐊᓂᒃ ᐊᐅᓛᖅᑎᑕᖏᓐᓂᒃ ᐊᔪᙱᓐᓂᐊᕐᓗᑎᒃ.
ᓄᓇᕗᑦ ᐊᖏᓛᕆᔭᖓ ᑲᓇᑕᐅᑉ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᖏᓐᓂᑦ ᐊᒻᒪᓗ ᐃᑯᒻᒪᖅᖁᑎᒧᑦ ᐱᖁᑎᖃᙱᑦᑐᖅ ᑲᑎᓐᓂᖃᖅᑐᒥᒃ ᐊᓯᖏᓐᓄᑦ ᑲᓇᑕᒥᑦ. ᑲᑎᑎᓪᓗᒍ ᐅᑭᐅᖅᑕᖅᑐᖅ ᐆᒻᒪᖅᖁᑎᓕᐅᕈᑎᒧᑦ ᐱᔪᖕᓇᖅᑎᑦᑎᓂᐊᖅᑐᖅ ᓯᕗᓂᒃᓴᒥᑦ ᐆᒻᒪᖅᖁᑎᓕᐅᕆᓂᕐᒥᒃ ᐅᑭᐅᖅᑕᖅᑐᒥᑦ ᐊᑐᖅᑕᐅᔪᖕᓇᕐᓗᓂᑦᑕᐅᖅ ᓂᒋᖅᐸᓯᐊᓂᑦ ᑲᓇᑕᐅᑉ ᐊᒻᒪᓗ ᐃᑲᔪᐃᓂᖃᕐᓗᓂ ᑎᑭᐅᑎᓂᕐᒧᑦ 2030-ᒧᑦ, 2050-ᒥᑦ ᓯᓚᒧᑦ ᐊᒻᒪᓗ ᐃᑯᒻᒪᖅᖁᑎᓕᐅᕆᓂᕐᒧᑦ ᑐᕌᒐᐅᔪᓂᑦ. ᒥᐊᓂᖅᓯᓂᐊᕐᒥᔪᖅ ᑲᓇᑕᐅᑉ ᐊᐅᓚᑦᑎᓂᖃᕐᕕᒋᔭᖓᓂᑦ ᖁᑦᑎᒃᑐᖅ ᐅᑭᐅᖅᑕᖅᑐᒥᑦ.

ᐱᑦᑕᐅᔪᖅ ᐃᓄᖕᓄᑦ
- ᐊᔾᔨᒌᒃᑎᑦᑎᓂᖅ: ᑲᓇᑕᐅᑉ ᓄᓇᖁᑎᖏᑦ ᐊᕕᒃᑐᖅᓯᒪᔪᓂᑦ ᐊᒻᒪᓗ ᐅᑭᐅᖅᑕᖅᑐᒥᑦ ᐅᕕᒃᑐᖅᓯᒪᔪᓗᒃᑖᓂᑦ, ᓄᓇᕗᑦ ᑭᖑᓪᓕᖅᐹᖑᔪᖅ ᐊᒥᐊᒃᑰᔪᓂᑦ ᐆᒻᒪᖅᖁᑎᒧᑦ-ᑲᑎᓐᓂᖃᙱᖦᖢᓂ ᐊᓯᖏᓐᓄᑦ ᑲᓇᑕᒥᑦ. ᑭᓯᐊᓂᓗ, ᑲᓇᑕᐅᑉ ᐊᖏᓛᕆᑉᓗᓂᐅᒃ ᐅᑭᐅᖅᑕᖅᑐᒥᑦ ᐊᕕᒃᑐᖅᓯᒪᔪᓂᑦ. ᐅᐊᖕᓇᖅᐸᓯᖕᒦᑦᑐᑦ ᓄᓇᓖᑦ ᐱᖃᑕᐅᔭᕆᐊᖃᖅᑐᑦ ᐊᔾᔨᖏᓐᓂᒃ ᐱᕈᖅᐸᓪᓕᐊᓂᕐᒧᑦ ᐱᕕᖃᕐᓂᐅᔪᓂᒃ ᐊᒻᒪᓗ ᐱᔨᑦᑎᕋᐅᑎᓄᑦ ᐊᓯᖏᑎᑦᑐᑦ ᑲᓇᑕᒦᑦᑐᓄᑦ.
- ᐋᖅᕿᖃᑎᒌᖕᓂᖅ: ᐱᓕᕆᐊᖅ ᓯᕗᒻᒧᒃᑎᑦᑎᓂᐊᖅᑐᖅ ᐋᖅᕿᖃᑎᒌᖕᓂᕐᒥᑦ 100%-ᖑᔪᒥᑦ ᐃᓄᖕᓄᑦ-ᑲᒪᒋᔭᐅᔪᖅ ᐱᓕᕆᐊᖅ ᐊᔾᔨᒌᒃᑯᑦ ᐱᑖᖅᓯᒪᓂᕐᒧᑦ ᐊᒻᒪᓗ ᓇᖕᒥᓂᖃᕐᓂᕐᒧᑦ
- ᓄᓇᖅᖃᑎᒌᓂᒃ ᐱᕈᐃᓂᖅ: ᑲᑎᑎᑦᑎᓂᖅ ᑭᕙᓪᓕᕐᒥᑦ ᓯᕗᓪᓕᖅᐹᑦᑎᐊᕐᒥᑦ, ᐱᑖᖅᖢᑎᒃ ᐆᒻᒪᖅᖁᑎᖃᕐᓂᕐᒧᑦ ᑭᕙᓪᓕᕐᒥᑦ ᐊᒻᒪᓗ ᒥᐊᓂᕆᑉᓗᒍ ᓄᓇᖅᖃᑎᒌᑦ ᐊᐅᓚᑕᐅᓂᖓᓄᑦ ᐅᑭᐅᖅᑕᖅᑐᒥᑦ
“ᑭᕙᓪᓕᕐᒥᑦ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐊᑯᓂᐅᔪᒥᒃ ᑕᐅᑐᒐᖃᖅᓯᒪᔪᑦ ᑭᕙᓪᓕᕐᒧᑦ ᐱᖁᑎᖃᕐᓗᑎᒃ ᑲᑎᓐᓂᖃᖅᑐᒥᒃ ᓂᒋᖅᐸᓯᐊᓄᑦ ᑲᓇᑕᐅᑉ. ᐱᕕᖃᕐᓂᐅᔪᖅ ᒫᓐᓇᐅᓕᖅᑐᖅ ᑕᐃᒪᓐᓇᐃᓕᑎᓐᓂᐊᕐᓗᒍ. ᐱᓕᕆᐊᖅ ᐃᓄᖕᓄᑦ-ᑲᒪᒋᔭᐅᔪᖅ, ᑐᓂᓯᓂᐊᖅᑐᖅ ᐊᒥᓱᓂᒃ ᐱᕈᖅᐸᓪᓕᐊᓂᕐᒧᑦ ᐱᕕᖃᖅᑎᑦᑎᓂᐅᔪᓂᒃ ᓄᓇᕗᒻᒥᐅᓄᑦ ᐊᒻᒪᓗ ᐱᐅᓯᕚᓪᓕᖅᑎᑦᑎᕐᔪᐊᕐᓂᐊᖅᑐᖅ ᑭᑐᑐᐃᓐᓇᓄᑦ ᐱᔨᑦᑎᕋᐅᑎᓂᒃ ᐱᓕᕆᕝᕕᖃᖅᑐᓄᑦ ᓲᕐᓗ ᐋᓐᓂᐊᖃᖅᑕᐃᓕᒪᔪᓕᕆᓂᕐᒧᑦ ᐊᒻᒪᓗ ᐃᓕᓐᓂᐊᖅᑎᑦᑎᓂᕐᒧᑦ – ᐊᑕᐅᑦᑎᒃᑯᑦ ᑐᓂᓯᓗᓂ ᐆᒻᒪᖅᖁᑎᖃᕐᓂᕐᒥᒃ ᐊᒻᒪᓗ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᒃ ᑲᒪᔭᖃᕐᓗᑎᒃ.”
— ᑯᓄᑦ ᑕᑦᑐᐃᓐᓂᖅ, ᐊᖓᔪᖅᖄᖅ ᑭᕙᓪᓕᕐᒥᑦ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ

ᐱᑦᑕᐅᔪᖅ ᐊᕙᑎᒧᑦ
ᐃᑲᔪᐃᔪᖅ ᓄᓇᕗᑦ ᐊᒻᒪᓗ ᑲᓇᑕᐅᑉ ᓯᓚᒧᑦ ᑐᕌᒐᕆᔭᖏᓐᓄᑦ ᑭᕙᓪᓕᕐᒥᑦ ᖃᐅᒻᒪᖅᖁᑎᓕᐅᕆᓂᕐᒧᑦ-ᖃᕆᑕᐅᔭᒃᑰᕈᑎᒧᙵᕈᑎ ᑎᑭᐅᑎᑎᑦᑎᓂᐊᖅᑐᖅ ᓄᓇᕗᑦ 2030-ᒥᑦ ᐱᑦᑕᐅᖏᑦᑐᑦ ᐊᓂᐊᔪᓂᒃ ᒥᒃᖠᒋᐊᖅᓯᓂᕐᒧᑦ ᑐᕌᒐᐅᔪᓄᑦ
“… ᑭᕙᓪᓕᕐᒥᑦ ᖃᐅᒻᒪᖅᖁᑎᓕᐅᕆᓂᕐᒧᑦ-ᖃᕆᑕᐅᔭᒃᑰᕈᑎᒧᙵᕈᑎ ᖃᓪᓕᖅᐸᐅᑎᓯᒪᑉᓗᓂ-ᐃᓱᒪᒋᔭᐅᖏᓐᓇᖃᑦᑕᖅᑐᖅ ᐊᑐᖅᑐᓂᐊᕐᓂᖓᓄᑦ ᐅᑭᐅᖅᑕᖅᑐᒥᑦ ᐱᖁᑎᓄᑦ ᓯᕗᓪᓕᖅᐸᐅᑎᔭᐅᓗᓂ. […] ᒐᕙᒻᒪᒃᑯᑦ ᐃᓂᐅᔪᒦᖓᑦᑎᐊᖅᑐᑦ ᐱᓕᕆᐊᕆᓂᐊᕐᓗᒍ ᐱᔪᒪᓯᒪᔭᖓᑦ ᓯᓚ ᐱᔾᔪᑎᒋᑉᓗᒍ ᐊᒻᒪᓗ ᐱᒋᐊᖅᐸᓪᓕᐊᓂᕐᒥᑦ ᐱᕙᓪᓕᐊᓗᑎᒃ ᑭᕙᓪᓕᕐᒥᑦ ᖃᐅᒻᒪᖅᖁᑎᓕᐅᕆᓂᕐᒧᑦ-ᖃᕆᑕᐅᔭᒃᑰᕈᑎᒧᙵᕈᑎᒧᑦ ᐱᓕᕆᐊᕆᓯᒪᔭᖓᓐᓂᑦ ᐅᑉᓗᒥᒧᑦ ᑎᑭᖦᖢᒍ. ᖁᕕᐊᒋᔪᒪᔭᒃᑲᑦ ᑭᕙᓪᓕᕐᒥᑦ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐊᒻᒪᓗ ᓄᑭᒃ ᐊᐅᓚᑦᑎᔩᑦ ᐱᕙᓪᓕᐊᓂᕆᔭᖓᓐᓂᒃ ᑭᕙᓪᓕᕐᒥᑦ ᖃᐅᒻᒪᖅᖁᑎᓕᐅᕆᓂᕐᒧᑦ-ᖃᕆᑕᐅᔭᒃᑰᕈᑎᒧᙵᕈᑎᒧᑦ ᐅᑭᐅᖑᔪᖅ. ᐊᓕᐊᓇᐃᒍᓱᓚᐅᖅᑐᖓ ᖃᐅᔨᒐᒪ ᐱᖃᑎᒋᔭᐅᓂᐊᖅᑐᓂᒃ ᐋᖅᕿᒃᓯᓚᐅᕐᒪᑕ ᓯᕗᒻᒧᒃᑎᒃᑲᓐᓂᕐᓂᐊᕐᓗᒍ ᐱᓕᕆᐊᖅ, ᐊᒻᒪᓗ ᐊᖏᖃᑎᒌᒍᑎᖃᓚᐅᕐᒪᑕ ᑲᓇᑕᒥᑦ ᐱᖁᑎᓄᑦ ᑮᓇᐅᔭᒃᑯᕕᖕᒥᑦ ᐃᑲᔪᕐᓂᐊᖅᑐᒥᒃ ᐱᒋᐊᓵᖅᐸᓪᓕᐊᓂᕐᒥᑦ ᐱᓕᕆᐊᖑᓂᐊᖅᑐᓄᑦ.”
— ᐅᐱᓐᓇᖅᑐᖅ ᑖᓐ ᕙᓐᑖᓪ, ᒐᕙᒪᑐᖃᒃᑯᓐᓄᑦ ᒥᓂᔅᑕ ᐅᑭᐅᖅᑕᖅᑐᒥᑦ ᑲᒪᔨᒃᑯᓐᓄᑦ

ᐱᑦᑕᐅᔪᖅ ᐱᕈᖅᐸᓪᓕᐊᓂᕐᒧᑦ
ᑭᕙᓪᓕᕐᒥᑦ ᖃᐅᒻᒪᖅᖁᑎᓕᐅᕆᓂᕐᒧᑦ-ᖃᕆᑕᐅᔭᒃᑰᕈᑎᒧᙵᕈᑎ ᐊᑐᖅᑕᐅᓂᐊᖅᑐᖅ ᐃᓄᐃᑦ-ᐱᕈᖅᐸᓪᓕᐊᓂᕐᒧᑦ ᐱᕕᖃᖅᑎᑦᑎᓂᕐᓄᑦ ᑭᕙᓪᓕᕐᒥᑦ
- 13,650 ᐃᓄᐃᑦ-ᐅᑭᐅᓂᑦ ᐱᓕᕆᑎᑦᑎᓗᓂ ᓴᓇᔭᐅᕙᓪᓕᐊᔪᓂᑦ
- ᐊᔪᕈᖕᓃᖅᓴᐃᓂᕐᒧᑦ ᐱᕕᖃᖅᑎᑦᑎᓃᑦ ᐃᓄᐃᑦ ᒪᒃᑯᒃᑐᓄᑦ
- ᐊᖏᔪᒥᒃ ᐅᔭᖅᖃᑦᑎᐊᕙᒃᑕᖃᖅᑐᓂᒃ ᑕᑯᔪᖕᓇᖅᑐᑦ ᑕᐃᒪᐅᔪᓂᑦ ᑭᕙᓪᓕᕐᒥᑦ, ᐃᓚᐅᑉᓗᑎᒃ ᐱᒻᒪᕆᐅᔪᑦ ᐅᔭᖅᖃᑦᑎᐊᕙᐃᑦ ᐱᔭᐅᔭᕆᐊᓖᑦ ᑲᓇᑕᐅᑉ ᐆᒻᒪᖅᖁᑎᒥᒃ ᐊᓯᐊᓄᐊᖅᓯᓂᕐᒧᑦ
- ᓇᓚᐅᑦᑖᖅᑕᐅᔪᖅ ᑮᓇᐅᓕᐅᕆᓂᖅ 50 ᐅᑭᐅᑦ ᐅᖓᑖᓄᑦ: $8 ᐱᓕᔭᓐ ᐅᖓᑖᓄᑦ
- $3 ᐱᓕᔭᓐᓂᒃ ᐃᑲᔫᑎᑦ GDP-ᒧᑦ ᓴᓇᔭᐅᕙᓪᓕᐊᓂᕐᒥᑐᐃᓐᓇᖅ
- ᐃᑲᔪᕐᓗᒋᑦ ᑭᕙᓪᓕᕐᒥᑦ ᐅᔭᕋᒃᑕᕆᐊᓕᕆᔩᑦ ᒫᓐᓇᐅᔪᖅ $100 ᒥᓕᔭᓐ ᐅᖓᑖᓂᑦ ᑖᒃᓰᔭᐃᔭᐅᑎᓂᒃ ᑮᓇᐅᔭᓕᐊᖃᑦᑕᖅᑐᑦ ᐊᕐᕌᒍᑕᒫᒃᑯᑦ
“ᐃᓄᐃᑦ ᐊᔾᔨᐅᖏᑦᑐᒥᒃ ᐱᔪᖕᓇᐅᑎᖃᖅᑐᑦ, ᐱᔪᒪᓂᖃᖅᑐᑦ, ᐊᒻᒪᓗ ᐊᑐᕐᓂᑯᖃᖅᑐᑦ. ᐅᑉᓗᒥ ᐱᒋᐊᖅᑎᑕᐅᓂᖓ ᐃᓄᐃᑦ ᓄᓇᖓᓄᑦ ᐊᑐᐊᒐᖅ ᐱᔭᐅᓯᒪᔪᖅ ᐊᒥᓱᑦ ᐅᑭᐅᓂᒃ ᐱᓕᕆᖃᑎᒌᖕᓂᒃᑯᑦ ᐊᒻᒪᓗ ᐃᑲᔪᕐᓂᐊᖅᑐᖅ ᐃᓄᐃᑦ ᓯᕗᓪᓕᖅᐸᐅᑎᔪᒪᔭᖏᓐᓄᑦ ᐊᒻᒪᓗ ᐃᖕᒥᖕᓂᒃ-ᖃᐅᔨᓂᕐᒧᑦ ᐃᓚᒋᔭᐅᔪᑦ ᒐᕙᒪᒃᑯᑦ ᑐᕌᖓᔪᖏᓐᓄᑦ, ᐊᑐᐊᒐᖏᓐᓄᑦ, ᐊᒻᒪᓗ ᐱᓕᕆᐊᒃᓴᓄᑦ ᓯᕗᒻᒧᖕᓂᐊᖅᑐᑦ. ᑖᒻᓇ ᐱᒻᒪᕆᐅᔪᖅ ᐱᒋᐊᕐᓂᕐᒥᑦ ᐊᑯᓂᐅᔪᒥᑦ ᐱᓕᕆᐊᖑᔪᖅ ᐋᖅᕿᖃᑎᒌᖕᓂᕐᒧᑦ ᐊᒻᒪᓗ ᐱᓕᕆᖃᑎᒌᙱᓐᓇᕐᓂᐊᖅᑐᑦ ᐱᓕᕆᐊᖃᕐᓂᐊᕐᓗᓂ ᐊᑯᓂᐅᔪᒥᑦ ᐊᒻᒪᓗ ᑐᑭᖃᖅᑐᒃᑯᑦ ᐋᖅᕿᒃᓯᓂᕐᓄᑦ ᐱᔾᔪᑕᐅᔪᓂᒃ ᐊᑐᖅᑕᐅᔪᑦ ᓄᓇᓕᖕᓂᑦ ᐃᓄᐃᑦ ᓄᓇᖓᓂᑦ.”
—ᐅᐱᓐᓇᖅᑐᖅ ᔭᔅᑎᓐ ᑐᕉᑑ, ᐊᖓᔪᖅᖄᕐᔪᐊᖅ ᑲᓇᑕᒥᑦ ᑎᕆᒡᓗᐃᑦ (ᐄᐳᕆ) 21, 2022